Amerika eksperimental musiqi bəstəkarı Alvin Lusye ölümündən dörd il sonra da süni beyin vasitəsilə musiqi bəstələməyə davam edir.
Baki-baku.az bu barədə “The Guardian”ə istinadən xəbər verir.
Məlumata görə, avstraliyalı alimlər 2018-ci ildə musiqiçiyə müraciət edərək onu “Revivification” (“Diriliş”) layihəsində iştirak etməyə dəvət ediblər.
Parkinson xəstəliyindən əziyyət çəkən 89 yaşlı bəstəkar 2020-ci ildə ağ qan hüceyrələrini elmi təcrübə üçün bağışlayıb. Alimlər bu hüceyrələrdən istifadə edərək süni beyin yaradıblar. Bəstəkar 1 dekabr 2021-ci ildə dünyasını dəyişib.
Lakin hazırda 20 mis lövhədən ibarət xüsusi sistem süni beyindən gələn siqnallara cavab verir və real vaxt rejimində akustik kompozisiya bəstələyir.
