“Nadir Muğam İfaçıları” layihəsinə start verilir! Layihənin məqsədi Azərbaycan muğamının nadir və dəyərli ifaçılarının yaradıcılığını işıqlandırmaq, yaşatmaq və gələcək nəsillərə ötürməkdir. İlk tədbir, muğam sənətinin dərin bilicisi və sevilən xanəndə, Xalq artisti Hacıbaba Hüseynovun zəngin yaradıcılığına ithaf ediləcək.

“Min bir gecə nağılları”ndan tanıdığımız “Əlibaba və qırx quldur” da teatrın repertuarında möhkəm yer tutur. Əlibabanın tamahkar qardaşının başına gələn acınacaqlı hadisələr fonunda yalnız zəhmət və onun halal bəhrəsi ilə xoşbəxt olmağın mümkünlüyü göstərilir. Rəngarəng səhnə geyimləri, arxa və yan planlardakı çalarlılıq, fərqli səhnə elementlərinin müxtəlifliyi diqqəti cəlb edir.

Üzeyir Hacıbəylinin ikipərdəli operasında rollarda Leyli – Nəzakət Teymurova, Xalq artisti, Məcnun – Mənsum İbrahimov, Xalq artisti, Nofəl – Cahangir Qurbanov, Əməkdar artist, İbn Salam – Təyyar Bayramov, Əməkdar artist, Leylinin atası – Taleh Yahyayev, Leylinin anası – Aytən Məhərrəmova, Məcnunun atası – Elnur Zeynalov, Əməkdar artist, Məcnunun anası – Afaq Ağayeva, Zeyd – Nəzər Bəylərov, Şeyx – Məhəbbət Səfərov canlandıracaq.

Müəllifi Redyard Kiplinq olan əsərin quruluşçu rejissoru Elşad Rəhimzadə, baş rolların ifaçıları: Elnur Bəhramxan (Əməkdar artist), Nurlan Süleymanlı, Ümman Budaqov, Aybəniz Heydərova, Yaşar Heydərli, Ceyhum Məmmədov, Günel Məmmədova, Hökümə Rəhimzadədir.

“İBLİS və…” Hüseyn Cavidin “İblis” faciəsinin motivləri əsasında səhnəyə qoyulan fəlsəfi-dekonstruktiv metadramdır. Tamaşanın quruluşçu rejissoru Mehriban Ələkbərzadədir.

Yeni Nağıllar kolleksiyasına daxil edilən və Hans Xristian Andersene xüsusi məşhurluq gətirən “Qar kraliçası” nağılı ilk vaxtlar buz ürəyi olan bir qadınla əlaqəli əhəmiyyətsiz bir hekayə kimi kitab mağazalarında dolaşsa da sonradan sürətlə populyarlaşdı. Əsasında bir neçə məşhur animasiya filmi çəkilən, dünyanın müxtəlif teatrlarında uğurla səhnəyə qoyulan tamaşa Azərbaycan Dövlət Kukla Teatrının repertuarına ötən ildən daxil edilib.