Görkəmli bəstəkar, Xalq artisti Tofiq Bakıxanovla vida mərasimi keçirilir.
Baki-baku.az xəbər verir ki, vida mərasimi Təzəpir məscidində baş tutur. Prezident İlham Əliyev və Birinci vitse-prezident Mehriban Əliyeva görkəmli bəstəkar, Xalq artisti Tofiq Bakıxanovla vida mərasiminə əklil göndərib.
Vida mərasimində mərhumun dostları, yaxınları, sənət yoldaşları, ictimaiyyət nümayəndələri iştirak edirlər. Mərasimdən sonra bəstəkar İkinci Fəxri xiyabanda dəfn olunacaq.
Xatırladaq ki, Xalq artisti Tofiq Bakıxanov avqustun 23-də vəfat edib.
