Avqustun 27-də Tofiq Bəhramov adına Respublika stadionunda UEFA Konfrans Liqasının pley-off mərhələsinin oyunu ilə əlaqədar avtobusların hərəkəti ilə bağlı dəyişiklik edilib.
Baki-baku.az xəbər verir ki, bu barədə Azərbaycan Yerüstü Nəqliyyat Agentliyi (AYNA) məlumat yayıb.
Bildirilib ki, stadionun qarşısındakı Nəqliyyat-Mübadilə Mərkəzinə avtobusların girişi məhdudlaşdırılıb.
Xüsusi avtobus zonası oyuna gələn azarkeşlərin istifadəsinə verilib və onların maneəsiz hərəkəti təmin olunacaq.
Məhdudiyyətlə əlaqədar müntəzəm marşrutların, eləcə də M5 və M6 nömrəli ekspres avtobusların dayanacaq yeri müvəqqəti olaraq “Gənclik Mall”un qarşısındakı dayanacağa köçürülüb.
