“Bakı Metropoliteni” QSC tərəfindən xətlərin ayrılması layihəsi çərçivəsində “28 May” və “Nizami” stansiyaları arasında qatarların hərəkəti avqustun 15-dən müvəqqəti dayandırılacaq.
Baki-baku.az xəbər verir ki, bu barədə Azərbaycan Yerüstü Nəqliyyat Agentliyi (AYNA) məlumat yayıb.
Bildirilib ki, sərnişinlərin daşınmasını təmin etmək məqsədilə AYNA tərəfindən təşkil olunan 6 yeni ekspres marşrut avqustun 14-dən fəaliyyətə başlayacaq.
Bundan əlavə, 20 müntəzəm marşrut üzrə avtobusların sayı artırılacaq. Bunlar 2, 6, 7A, 9, 10, 14, 17, 18, 26, 61, 65, 79, 85, 88, 88A, 93, 133, 165, 199 və 202 nömrəli marşrutlardır.
Həmçinin bu gündən “28 May” NMM-ə daxil olan 32, 49, 120E və 125 nömrəli müntəzəm marşrutların son dayanacaq məntəqələri dəyişdirilib və Səməd Vurğun bağının ətrafında təşkil olunub.
32 və 49 nömrəli marşrutların son dayanacağı Dilarə Əliyeva küçəsində, 120E və 125 nömrəli marşrutların son dayanacağı isə Puşkin küçəsində olacaq.
