Payız mövsümündə orqanizmimizdə çatışmayan vitaminləri bərpa etmək və xəstəliklərdən qorunmaq üçün qida rasionumuzu zənginləşdirməliyik. Bu məqsədlə kələm turşusu ən yaxşı seçimdir.
Rusiyalı həkim-dietoloq, tibb elmləri namizədi Yelena Solomatina bildirib ki, kələm turşusunda çoxlu faydalı maddələr və qida lifləri var.
“Payızda turşuya qoyulmuş kələm yemək məsləhətdir. Kələm turşusunda C vitamini, faydalı maddələr və zəruri qida lifləri boldur”, – deyə həkim izah edib.
Dietoloq qeyd edib ki, özbaşına vitaminlər qəbul etmək məsləhət deyil, çünki əlavələr artıq ola bilər.
“Məsələn, askorbin turşusu ilə (C vitamini) ifrata varmaq böyrəklərdə daşların əmələ gəlməsinə səbəb ola bilər. Bunun əvəzinə təbii məhsullar qəbul edin”, – deyə o sözlərini yekunlaşdırıb.
