Dünən axşamdan əsən güclü küləklə əlaqədar Bakı Şəhər Yaşıllaşdırma Təsərrüfatı Birliyinə (YTB) 104 müraciət daxil olub.
Bu barədə Baki-baku.az-ın sorğusuna cavab olaraq YTB-dən məlumat verilib.
Bildirilib ki, dünən axşamdan davam edən güclü külək səbəbindən 40 ağac aşıb, 64 ağacın budaqları qırılıb. 39 ağac ərazilərdən təmizlənib, sınan budaqlar götürülüb.
Aşan və sınan ağaclar müvafiq ərazilərdən operativ şəkildə təmizlənib.
Qeyd edilib ki, dəyişkən hava şəraiti ilə əlaqədar Bakı Şəhər Yaşıllaşdırma Təsərrüfatı Birliyinin əməkdaşları gücləndirilmiş iş rejimində çalışırlar.
