Bakının Babək prospektində yol nişanı artıq 1 aydır ki, aşıb.

Baki-baku.az xəbər verir ki, bununla bağlı sürücülərdən redaksiyamıza şikayət daxil olub.

Bildirilib ki, aşan yol nişanının bərpası və ərazidən götürülməsinə cavabdeh qurum bununla bağlı tədbir görmür.

Məsələ ilə bağlı aidiyyəti quruma müraciət ünvanladıq. Azərbaycan Yerüstü Nəqliyyat Agentliyindən (AYNA) sorğumuza cavab olaraq qeyd edilib ki, bəzi hallarda kənar müdaxilə nəticəsində yol nişanları zədələnir və sıradan çıxarılır.

“Belə hallar müəyyən edildikdə müvafiq tədbirlər görülür və yol nişanları bərpa edilir. Belə hallarla qarşılaşan vətəndaşlar AYNA-ya müraciət edə bilərlər. Sözügedən ərazidə isə nişanın bərpası həyata keçiriləcək”, – deyə məlumat verilib.