Arizona ştatında məhkəmə zalında baş verən bir hadisə texnologiya və hüquq sisteminin qarşılıqlı əlaqəsində dönüş nöqtəsi ola bilər.
Baki-baku.az xəbər verir ki, təxminən dörd il əvvəl yol münaqişəsi zamanı öldürülən bir kişi yenidən “danışdı” – bu dəfə məhkəmə zalından, ekrandan, süni intellektlə yaradılmış rəqəmsal avatar kimi.
Mərhum Kristofer Pelkinin məhkəmə prosesi zamanı onun qatili üzərində göstərilən video çıxışı, qurbanın səsi süni intellekt vasitəsilə bərpa olunaraq cinayətin təsiri haqqında danışdığı ilk tarixi hadisə oldu.
Məhkəmə və ictimaiyyətin qarşısında ekranda Pelkinin virtual obrazı peyda olub. Süni şəkildə bərpa olunmuş səslə deyib: “Başqa bir həyatda bəlkə də dost ola bilərdik… Mən bağışlamaya və bağışlayan Allaha inanıram.”
Hakim Todd Leng videonun təsirini “dərin şəkildə duyğulandırıcı” kimi qiymətləndirdi və prokurorluğun istədiyindən daha sərt hökm çıxardı: təklif olunan 9,5 il əvəzinə 10 il yarım həbs cəzası. Bu presedent təkcə emosional bir jest deyil, məhkəmənin yekun qərarına təsir edən amil oldu.
Qeyd edək ki, 2021-ci ildə 37 yaşlı Pelki, Arizona ştatının Çandler şəhərində 50 yaşlı Qabriel Xorkasitas tərəfindən güllələnmişdi.
