Yeni tədris ilində Bakı Şəhəri üzrə Təhsil İdarəsinin (BŞTİ) tabeliyində fəaliyyət göstərən ümumi təhsil müəssisələrində ümumilikdə, 504 413 şagirdin təhsil alacağı gözlənilir.

Baki-baku.az xəbər verir ki, bu barədə İdarədən bildirilib.

Vurğulanıb ki, BŞTİ-nin tabeliyindəki ümumi təhsil məktəblərinin I sinfində 39 min 999, IX sinfində 49 min 167, XI sinfində 39 min 479, XII sinfində 99 şagirdin təhsil alacağı proqnozlaşdırılır.

“Paytaxtdakı ümumi təhsil müəssisələrinin məktəbəhazırlıq qruplarına 17 min 863 beşyaşlının cəlb olunması nəzərdə tutulur. BŞTİ-nin tabeliyində fəaliyyət göstərən məktəbəqədər təhsil müəssisəslərinə isə 35 min 43 uşaq cəlb olunub. Ümumi təhsil müəssisələrində 29 min 715 müəllim, məktəbəqədər təhsil müəssisəslərində isə 4 137 tərbiyəçi-müəllim çalışır”.

Qeyd edək ki, idarənin tabeliyində 729 təhsil müəssisəsi, 9 məktəbdənkənar müəssisə fəaliyyət göstərir.