Xəbər verdiyimiz kimi, Yasamal rayonunda yerləşən yeni tikilən çoxmərtəbəli yaşayış binasında qanunsuz olaraq eyvan artırılmışdı.
Baki-baku.az xəbər verir ki, eyvan artırması köhnə və ya baxımsız bir tikili də yox, məhz müasir, yeni inşa edilmiş binada edilmişdi və hələ istismar müddətinin başlanğıcında olan, şəhərin müasir memarlıq görünüşünə aid bir binada belə bir hal gözlənilməz idi.
Şəhərin kommunal strukturunun əməkdaşları tərəfindən görülən işlər nəticəsində qanunsuz artırılan eyvan söküldü.
Bakı Şəhər İcra Hakimiyyəti bildirir ki, qanunsuz tikililərin qarşısının alınması istiqamətində tədbirlər davam etdiriləcək və bu kimi hallara yol verən şəxslər barəsində qanunvericiliyə uyğun addımlar atılacaq.
