Massaçusets Texnologiya İnstitutunun (MIT) tədqiqatçıları bioparçalanan polimerlərdən mikrohissəciklərin istehsalı üçün unikal metodika hazırlayıblar.
Baki-Baku.az bu barədə institutun mətbuat xidmətindən verilən məluamat istinadən xəbər verir.
Məlumata görə, bu innovasiya eyni anda iki kəskin ekoloji problemi həll etməyə yönəlib – həm planetin plastik tullantılarla çirklənməsinin qarşısını almağa və həm də asanlıqla utilizasiya olunan materialların yaradılmasına.
Yeni mikrohissəciklər sabun, yuyucu vasitələr və kosmetika istehsalında istifadə üçün idealdır. Onların əsas üstünlüyü ətraf mühitə düşdükdə mikroblar tərəfindən tez parçalanma qabiliyyətidir. Bu o deməkdir ki, belə komponentləri olan məhsullar tullantı şəklində toplanmayacaq və ekosistemlərə zərər vurmayacaq.
Qeyd edək ki, alimlər bioparçalanan polimerlərin bir neçə variantını hazırlayıblar. Onlardan biri skrablar, kremlər və makiyaj təmizləyici vasitələrin hazırlanmasında əla nəticələr göstərib. Digər polimer növü vitaminlərin və qida maddələrinin dəri və orqanizm toxumalarına çatdırılması üçün istifadə edilə bilər.
Artıq dünyanın ən böyük kosmetika istehsalçıları bu işlənməyə maraq göstəriblər və yaxın zamanda könüllülərin iştirakı ilə birgə sınaqlar planlaşdırılır.
