Dənizkənarı Milli Parkın ərazisində dənizdə batan şəxs xilas edilib.
Baki-Baku.az bu barədə Fövqəladə Hallar Nazirliyindən (FHN) verilən məlumata istinadən xəbər verir.
Məlumata görə, FHN-in “112” qaynar telefon xəttinə Bakı şəhəri, Səbail rayonunda yerləşən Dənizkənarı Milli Park ərazisində bir nəfərin dənizdə batma təhlükəsinə düşməsi barədə məlumat daxil olub.
Məlumatla əlaqədar dərhal hadisə yerinə FHN-in Kiçikhəcmli Gəmilərə Nəzarət və Sularda Xilasetmə Dövlət Xidmətinin “Bakı-bulvarı” dalğıc-axtarış qrupu cəlb edilib.
Həyata keçirilən operativ xilasetmə əməliyyatı sayəsində dənizdə batma təhlükəsində olan vətəndaş – 2003-cü il təvəllüdlü Samir Abdullayev dalğıclar tərəfindən xilas edilib.
