Bakının Yasamal rayonu, Cəfər Cabbarlı küçəsində (Caspian Plazanın ətrafı) müşahidə olunan vəziyyət sakinlərin haqlı narazılığına səbəb olub.

Baki-baku.az-a ərazidən istifadə edən vətəndaşlardan daxil olan şikayətdə bildirilib ki, küçədə yerləşən zibil konteynerinin ətrafında tullantılar velosiped yoluna atılıb. Bu isə həm antisanitar şərait yaradır, şəhərin estetik görünüşünə xələl gətirir.

Problemin digər tərəfi isə konteynerin yerləşdiyi məkanla bağlıdır. Belə ki, tullantı qutusu velosiped yolunun üzərində, piyada səkisinin kənarında yerləşib. Bu da insanların hərəkəti zaman xoş olmayan hal yaradır.

Sakinlər məsələ ilə bağlı aidiyyəti qurumlardan operativ tədbir görməsini istəyirlər.