Minnesota ştatında yerləşən “Orfield Laboratories”dəki səssiz otaq, rəsmi adıyla anechoic chamber, yer üzündəki ən səssiz yer hesab olunur. Burada səssizlik o qədər dərindir ki, -9 desibel səviyyəsində ölçülür. Bu, insanın eşidə biləcəyi səviyyədən də aşağıdır.

Bu otaq o qədər səssizdir ki, içəridə olan insanlar öz ürək döyüntüsünü, tənəffüs səsini və hətta qan axışını belə eşidə bilir.

Başqa sözlə desək, insan bədəninin daxili “səsi” burada ortaya çıxır. Bu təcrübə isə əksər insanlar üçün narahatedici və psixoloji baxımdan çətin olur.

Orfield laboratoriyasının qurucusu Steven Orfield deyir ki, heç kim bu otaqda uzun müddət qala bilmir. Hal-hazırda orada qalmaq üzrə rekord 55 dəqiqədir.

Səbəb sadədir: səssizlik insan beynini istiqamətsiz və oriyentasiyasız buraxır. Normalda biz ətraf səslərə istinad edərək hərəkət edirik, koordinasiya edirik. Amma burada tam səssizlik içində insan özünə qapanır, tarazlığını itirir, hətta halüsinasiyalar belə baş verə bilər.

Bu səssiz otaq NASA və müxtəlif texnologiya şirkətləri tərəfindən də test məqsədilə istifadə olunur. Astronavtların və ya cihazların tam sükut içində necə reaksiya verdiyini yoxlamaq üçün.

Səssizliyin səsi – bu otaqda tam olaraq bunu eşidirsiniz. Və bəlkə də bu, insan üçün ən dözülməz səsdir.

Xanım Aydın