Müasir dövrdə informasiya bolluğu içində yaşasaq da, kitab oxumaq – mütaliə hələ də bilik və dünyagörüşünü artırmağın ən effektiv yollarından biridir. Lakin çoxları kitab oxumağa başlamaqda və ya bu vərdişi davam etdirməkdə çətinlik çəkir. Bəs bu vərdişi necə inkişaf etdirmək olar?
- Kiçik addımlarla başlayın
Gündə 5-10 dəqiqəlik müatliə ilə başlamaq, zamanla daha uzun seanslara keçmək üçün möhkəm təməl yaradır. Özünüzü bir anda böyük romanlar oxumağa məcbur etməyin. - Maraq dairənizə uyğun kitablar seçin
İnsan oxumaq istədiyi mövzu ilə maraqlanırsa, kitabı yarımçıq qoymaq ehtimalı azalır. Ədəbiyyat, psixologiya, tarix, fəlsəfə, inkişaf – nə maraqlıdırsa, oradan başla. - Mütaliə vaxtınızı planlaşdırın
Hər günün müəyyən bir saatını (məsələn, yatmazdan əvvəl) kitab oxumağa ayırmaq bu vərdişi gücləndirir. Rutinin bir hissəsinə çevrilən oxu vaxtı daha davamlı olur. - Telefonu bir kənara qoyun
Sosial media və bildirişlər diqqəti yayındırır. Oxuduğun zaman telefonu uzaqlaşdırmaq konsentrasiyanı artıracaq. - Oxuduqlarınızı paylaşın
Kitab haqqında dostlarınızla danışmaq, sitatlar paylaşmaq və ya qısa qeydlər yazmaq həm yaddaşı möhkəmləndirir, həm də motivasiyanı artırır. - Kitabxana və ya kitab klublarına qoşulun
Mühit insanı formalaşdırır. Oxuyan insanların içində olmaq bu vərdişi inkişaf etdirməyə kömək edir.
Nəticə olaraq…
Kitab oxumaq bir vərdişdir və hər vərdiş kimi, zaman və diqqət tələb edir. Ancaq başladıqdan sonra onun insana qazandırdığı bilik, düşüncə dərinliyi və daxili zənginlik bu zəhmətə tam dəyər.
Xanım Aydın
