Bildiyiniz ki, Nazirlər Kabinetinin müvafiq qərarı ilə Bakı Şəhər İcra Hakimiyyəti başçısının tabeliyində Sahibsiz Heyvanlara Qayğı Mərkəzi publik hüquqi şəxs yaradılıb. Artıq Sahibsiz Heyvanlara Qayğı Mərkəzi publik hüquqi şəxsin Nizamnaməsi və strukturu təsdiq edilib.
Yeni yaradılan Mərkəzin fəaliyyəti ilə bağlı Bakı Şəhər İcra Hakimiyyətindən Baki-baku.az-a bildirilib ki, bu publik hüqüqi şəxsin yaranmasının əsas məqsədi sahibsiz heyvanlara xidmət göstərmək və bu sahədə olan nöqsanları aradan qaldırmaqdır. Hazırda bu istiqamətdə hazırlıq işləri aparılır.
Qeyd edək ki, Mərkəz sahibsiz heyvanlara qayğı göstərilməsi və onların uçotunun aparılması sahəsində fəaliyyət göstərən publik hüquqi şəxsdir.
