Dünyanın ən nüfuzlu ədəbiyyat mükafatlarından olan “Buker”in (“Booker Prize”) 2024-cü il üzrə qalibi elan edilib.
Baki-Baku.az bu barədə mükafatın rəsmi saytına istinadən xəbər verir.
Məlumata görə, qalibin adı Londonda keçirilən mükafatlandırma mərasimində açıqlanıb. Beləliklə, mükafatın 2024-cü il üzrə qalibi “Orbital” romanı ilə Samantha Harvey olub.
Xatırladaq ki, “Buker” mükafatı hər il ingilis dilində yazılan və Böyük Britaniya və İrlandiyada nəşr olunan əsərlərə verilir. Mükafatın məbləği 50 min funt sterlinqdir. Ötən il “Buker”in qalibi “Prophet Song” əsəri ilə Paul Lynch olub.
