Bakıda ictimai nəqliyyat vasitələrinin çoxluğuna baxmayaraq, taksidən istifadə gündəlik həyatın ayrılmaz hissəsinə çevrilib.
İnsanlar işə tələsərkən, alış-verişdən qayıdarkən və ya sadəcə rahatlıq üçün tez-tez taksiyə üz tutur. Son illərdə tətbiqlər vasitəsilə sifariş edilən taksilər daha da əlçatan olub.
Maraqlıdır ki, Bakıdakı taksi qiymətləri digər ölkələrin paytaxtları ilə müqayisədə necədir?
Baki-baku.az bu barədə araşdırma aparıb. Araşdırma zamanı “Numbeo” portalında (dünya üzrə yaşayış xərcləri və taksi tarifləri ilə bağlı məlumat bazası) dərc olunmuş “Taxi Start (Normal Tariff)” və “Taxi 1 mile (Normal Tariff)” göstəricilər əsas götürülüb.
Müqayisəli qiymətlər (5 km marşrut üzrə)
Qonşu paytaxtlar:
Ankara: 7,64 AZN
Moskva: 7,84 AZN
Tbilisi: 8,82 AZN
Bakı: 8,19 AZN
Avropa paytaxtları:
Berlin: 31,4 AZN
London: 36 AZN
Paris: 44 AZN
Müqayisə göstərir ki, Bakıdakı taksi qiymətləri qonşu ölkələrin paytaxtları ilə təxminən eyni səviyyədədir. Ankara və Moskva Bakıya nisbətən bir qədər ucuz, Tbilisi isə daha bahadır. Lakin Avropa paytaxtlarında – xüsusilə Paris və Londonda – taksi qiymətləri Bakı ilə müqayisədə 4-5 dəfə yüksəkdir.
