Bakı şəhəri üzrə 99 minə yaxın şagird IV və VI siniflərin monitorinqlərində iştirak edib.
Bu barədə Baki-baku.az-a Bakı Şəhəri üzrə Təhsil İdarəsindən məlumat verilib.
Bildirilib ki, monitorinqin keçirilməsində əsas məqsəd şagird nailiyyətlərinin yaxşılaşdırılmasına nail olmaq, müvafiq standartlar üzrə bilik və bacarıqların hansı səviyyədə formalaşdığını müəyyən etmək və tədrisin keyfiyyətinin artırılması istiqamətində tədbirlər həyata keçirməkdən ibarətdir.
IV siniflərdə monitorinq tədris dili və riyaziyyat fənləri, VI siniflərdə isə monitorinq tədris dili, təbiət və riyaziyyat fənləri üzrə aparılıb.
BŞTİ-nin tabeliyindəki məktəblər üzrə 7 344 şagird kompüter əsaslı monitorinqdə iştirak edib.
