Azərbaycanda yağışlı hava şəraiti ilə əlaqədar bütün limanlar bağlanıb.
Baki-baku.az-a bu barədə Rəqəmsal İnkişaf və Nəqliyyat Nazirliyi yanında Dövlət Dəniz və Liman Agentliyinin mətbuat katibi Pərvanə İmanova bildirib.
“Hazırda Xəzər dənizi akvatoriyasında küləyin sürəti 30-35 m/s-yə yüksəlib, sahilboyu ərazilərdə dalğanın hündürlüyü üç metrdən çoxdur. Bütün limanlara giriş və çıxış bağlıdır, yerli və xarici bayraq altında üzən gəmilər lövbər dayanacaqlarına və sığınacaqlara yerləşdirilib”, – o bildirib.
Saat 06:00-a olan məlumata görə, Bakıda və Abşeron yarımadasında maksimal sürəti 33 m/s-yə çatan güclü şimal-qərb küləyi müşahidə olunub.