“Su axınları sərhədləri aşdığı üçün möhkəm idarəetmə mexanizmləri lazımdır ki, resurslar ədalətli şəkildə bölüşdürülsün və sudan əziyyət çəkən insanlara da çatsın. Yerli hökumətlərlə və icmalarla işləmək, idarəetmə mexanizmləri qurmaq və suyu əsas resurs kimi nəzərə almaq vacibdir. Bütün bu məsələlər “UN-Habitat”ın illərdir üzərində işlədiyi mövzulardır və biz bunları strategiyamızla birlikdə Dünya Şəhər Forumu və BMT Su Konfransı kimi platformalara gətiririk, həmçinin növbəti Dünya Şəhər Forumuna (Meksikada keçiriləcək) hazırlıq üçün davam etdiririk”.
Baki-baku.az xəbər verir ki, bunu BMT-nin Məskunlaşma Proqramının (UN-Habitat) icraçı direktoru Anaklaudia Rossbax Ümumdünya Şəhərsalma Forumu (WUF13) çərçivəsində keçirilən “BMT-nin 2026-cı il Su Konfransı: Şəhər mənzillərinin yol xəritəsi” adlı tədbirdə deyib:
“Əsas mesaj budur, su amilini şəhərləşmə məsələsindən ayırmaq mümkün deyil. Mənzil təminatı əsas faktordur və şəhərlərdə yaşayan insanlar su çatışmazlığından əziyyət çəkirlər. Buna görə də su, şəhərləşmə, mənzil, qeyri-rəsmi yaşayış məntəqələri və yerli aktorların rolu bir-birindən ayrılmazdır. Bəlkə də bu gün çatdırmaq istədiyim əsas mesaj budur”.
