Abşeron rayonu, Məmmədli kəndi iki gün yağan intensiv yağışlar səbəbindən su altında qalıb.
Baki-baku.az-a sakinlər tərəfindən daxil olan şikayətə görə, kəndin bir çox ərazilərində böyük gölməçələr yaranıb və evlərin həyətlərini su basıb. Bu da sakinlərin gediş-gəlişini olduqca çətinləşdirib. Xüsusilə Zahid Xəlilov küçəsi və ətrafında ciddi subasma halları müşahidə edilir.
Sakinlər bildirir ki, mövcud vəziyyətlə əlaqədar aidiyyəti qurumlara, o cümlədən Abşeron Rayon İcra Hakimiyyətinə müraciət edilsə də, problemlə maraqlanan olmayıb.