Madrid “Real”ının hücumçusu Kilian Mbappe La Liqada ayın futbolçusu elan olunub.
Baki-baku.az xəbər verir ki, bu barədə turnirin mətbuat xidməti sosial şəbəkə X-də məlumat yayıb.
Fransalı ulduz ötən sentyabrda İspaniya çempionatında 4 oyunda iştirak edib, həmin qarşılaşmalarda 5 qol və 1 məhsuldar ötürmə ilə yadda qalıb.
Bu görüşlərdə “kral klubu” üç qələbə qazanıb, bir oyunda isə məğlubiyyətlə üzləşib.
📌 Mbappenin qolları:
“Real Sosyedad” – 1 qol (1:2)
“Espanyol” – 1 qol (2:0)
“Levante” – 2 qol (1:4)
“Atletiko Madrid” – 1 qol (5:2)
Hazırda futbolçunun “Real”la müqaviləsi 2029-cu ilin yayına qədər nəzərdə tutulub. Transfermarkt portalının məlumatına görə, Mbappenin bazar dəyəri 180 milyon avro təşkil edir.
