2006-cı ilin dünya çempionu Fabio Kannavaro Özbəkistan millisinin yeni baş məşqçisi olmağa şifahi razılıq verib.
Baki-baku.az-ın məlumatına görə, bu barədə insayder Fabrizio Romano “X” sosial şəbəkəsində yazıb.
Romano qeyd edib ki, 52 yaşlı Kannavaro artıq dünya çempionatına vəsiqə qazanmış Özbəkistan yığmasına 2026-cı ildə rəhbərlik edəcək. Tərəflər müqavilənin şərtlərini razılaşdırıblar və rəsmi sənədlərin imzalanması 24–48 saat ərzində gözlənilir.
Məşqçi karyerası ərzində 52 yaşlı mütəxəssis “Everqrand”, “Əl-Nasr”, “Benevento”, “Udineze” və digər klublara rəhbərlik edib. Onun sonuncu iş yeri Zaqreb “Dinamo”su olub. Kannavaro bu postu aprel ayında tərk etmişdi.
