Həkimlər arterial təzyiqin kəskin yüksəlməsini hipertonik kriz adlandırırlar. Bu, həqiqətən də, kritik vəziyyətdir və insan sağlamlığı üçün təhlükəli ola bilər.

Baki-baku.az xəbər verir ki, təzyiqin yüksəlməsi hallarında təcili yardım çağırılması vacibdir.

İlkin olaraq əgər özünüzü pis hiss edirsinizsə, təzyiqi ölçmək lazımdır. 160/90 mm c.s. və daha yüksək göstəricilərdə həkim tərəfindən təzyiqin kəskin yüksəlməsi halı üçün təyin edilmiş dərmanları qəbul edilməlidir. Lakin heç bir halda “özünümüalicə” metodundan istifadə etmək olmaz. Qeyd edək ki, hipertonik kriz zamanı qəbul edilən həblər, daha dəqiq desək, onların alışılmış dozası, xüsusilə də, təzyiq 200 mm c.s.-dən yüksək olduqda, effektiv olmaya bilər. Belə hallarda mütləq təcili yardım çağırılmalıdır.