Yerin maqnit sahəsinin həyəcan dərəcəsi G2 səviyyəsinə çatıb.
Baki-baku.az-ın məlumatına görə, bu barədə TASS-a Tətbiqi Geofizika İnstitutundan bildiriblər.
Yerdəki maqnit fırtınasının səviyyəsi beş göstəricidən ibarət şkalada G2 – “mülayim” – səviyyəsinə çatıb, burada G5 “son dərəcə güclü”, G1 isə “zəif” deməkdir.
G2 səviyyəsi o deməkdir ki, Yerdə enerji sistemlərində problemlər yarana bilər. Həmçinin radionaviqasiyada fasilələr, yüksəktezlikli radio əlaqələrində pozulma ehtimalı var. Qütb parıltıları 50 dərəcə şimal enliklərinə qədər qeydə alınır.
Rusiya Elmlər Akademiyasının Kosmik Tədqiqatlar İnstitutunun Günəş Astronomiyası Laboratoriyası və Rusiya Elmlər Akademiyası Sibir Bölməsinin Günəş-Yer Fizikası İnstitutunun mütəxəssisləri əvvəllər bildirmişdilər ki, 13 aprel tarixində Yerə doğru iki böyük Günəş tac kütləsi atılıb. Proqnoza görə, 16 apreldə G1-G2 səviyyəli maqnit fırtınaları gözlənilir.
