Bakının Yasamal rayonu ərazisində yerləşən, keçmiş “Sovetski” kimi tanınan ərazidə istismar müddətini başa vuran, qəzalı vəziyyətdə olan, şəhərin estetik görünüşünə xələl gətirən binaların söküntüsü davam etdirilir.
Baki-baku.az xəbər verir ki, söküntü işləri mərhələli şəkildə aparılır, sökülən binalara görə sakinlərə kompensasiya ödənilir.
Bütün bu işlər həm sakinlərin təhlükəsizliyi, həm də şəhərsalma baxımından səmərəli və faydalı layihələrin gələcəkdə reallaşdırılmasına zəmin yaradır.
Qeyd edək ki, davam edən söküntü işləri Mərkəzi Parkın daha da genişləndirilməsinə, yeni yaşıllıq zolaqlarının salınmasına, bir sıra sosial-ictimai əhəmiyyətli layihələrin həyata keçirilməsinə və şəhərin ümumi görkəminin daha da abadlaşdırılmasına xidmət edir.
