Bakının Yasamal rayonunda “Sovetski” adlanan ərazidə qəzalı vəziyyətdə olan binaların söküntüsü davam edir.

Baki-baku.az xəbər verir ki, uzun illər əvvəl inşa olunmuş və artıq istismar müddətini başa vurmuş binalar sökülür. 

Bu proses sakinlərin təhlükəsizliyi baxımından zəruri addım sayılır. Çünki həmin tikililərin çoxu illərdir qəzalı vəziyyətdə idi və yaşayış üçün real risk yaradırdı.

Söküntü zamanı sakinlərin sosial müdafiəsi də diqqət mərkəzində saxlanılır. Onlara müvafiq kompensasiyalar ödənilir, eyni zamanda köçürülmə prosesi mərhələli şəkildə həyata keçirilir.

bu cür söküntülər təkcə şəhərin simasını yeniləmək məqsədi daşımır, həm də fövqəladə halların qarşısını almağa xidmət edir. Çünki qəzalı binaların hər an uçma ehtimalı var idi və bu, sakinlər üçün ciddi təhlükə yaradırdı.

Hazırda söküntü işləri bu ünvanlarda həyata  keçirilir: Azərbaycan prospekti, Nizami, Rza Quliyev, Süleyman Rəhimov, Abdulla Şaiq, Əlibəy Hüseynzadə, Nabat Aşurbəyova, Balababa Məcidov, Həmidağa Hüseynzadə, Mirzə Fətəli Axundzadə, Çingiz Mustafayev və Mirzəağa Əliyev küçələri.