Son 20 ildə Bakıya təxminən 180 milyard manat investisiya yatırılıb.

Baki-baku.az xəbər verir ki, bunu Bakı Şəhər İcra Hakimiyyətinin Başçısı Eldar Əzizov Ümumdünya Şəhərsalma Forumunun 13-cü sessiyası (WUF13) çərçivəsində keçirilən “Yerli fəaliyyətin gücləndirilməsi: adekvat mənzil təminatı və dayanıqlı icmalar üçün çoxtəbəqəli idarəetmənin möhkəmləndirilməsi” adlı dəyirmi masada deyib.

O bildirib ki, 2003-cü ildən bəri Bakıda 23 milyon kvadratmetrdən çox yaşayış sahəsi istifadəyə verilib:

“Bu dövrdə xəstəxanaların sayı iki dəfə artıb. Eyni dinamika məktəblərin və uşaq bağçalarının sayında da müşahidə olunur. Bu gün Bakı dünyanın ən təmiz şəhərlərindən biri hesab olunur. Şəhərə gələn qonaqlar bu xüsusiyyəti xüsusilə vurğulayırlar”.