Məhəmməd peyğəmbərin birbaşa nəslindən hesab olunan İsmailiyyə-nizari icmasının imamı III Ağa xanın oğlu Şahzadə Sadruddin Ağa xana məxsus broşdakı zümrüd hərracda rekord qiymətə – 9 milyon dollara satılıb.
Baki-Baku.az bu barədə “CBS News“a istinadən xəbər verir.
Məlumata görə, brilyant daşlarla bəzədilmiş zümrüd hazırda dünyanın ən bahalı yaşıl daşıdır.
Bir çox mütəxəssislər daşın unikal formasını da qeyd edirlər – o, nazik və yastıdır. Belə xüsusiyyətlər zümrüdün rənginə mənfi təsir göstərməlidir, ancaq şahzadənin bəzək əşyasında belə deyil. O parlaq yaşıl rəng mükəmməl şəkildə qorunub saxlanılıb.
Sədrəddin Ağa xan bu zinət əşyasını 1960-cı ildə nişanlısı Nina Şeyla Dyera üçün “Cartier”dən sifariş edib. Qiymətli “Markiz” broşu xüsusi kəsimi olan 20 brilyant və 37 karatlıq zümrüdlə bəzədilib.
