Ümumdünya Səhiyyə Təşkilatının və klassik dietologiyanın tövsiyələrinə əsasən, gün ərzində üç dəfə qidalanma (səhər yeməyi, nahar, şam yeməyi) məsləhət görülür.
Baki-baku.az bu barədə Gazeta.ru-ya istinadən xəbər verir.
Rusiyalı endokrinoloq, tibb elmləri namizədi, dietoloq Oksana Mixaylova bildirib ki, səhər yeməyi çox vacib qidalanmadır və ondan imtina ciddi sağlamlıq problemlərinə səbəb ola bilər.
Həkim qeyd edib ki, işə və ya məktəbə gedərkən səhər yeməyindən imtina edən insanların axşama doğru iştahı çox artır. Bunun nəticəsində onlar adətən həddindən artıq yeyirlər, çünki gün ərzində kalori və ya faydalı qida maddələri çatışmazlığı yaranır.”Gün ərzində onlar müəyyən qidalar yeyə, qəlyanaltı edə, hətta fastfud yeyə bilərlər, lakin yenə də ac qalırlar, çünki doyurucu, sağlam qida yeməyiblər. Axşam və yatmazdan əvvəl bir neçə dəfə qidalanma çəki problemlərinə, piylənməyə və ikinci tip diabetə səbəb ola bilər”, – deyə mütəxəssis əlavə edib.Buna görə də, onun sözlərinə görə, axşam həddindən artıq yeməyə meyilli insanlar qidalanma rejiminə, yəni səhər yeməyi, nahar və şam yeməyinə riayət etməlidirlər. Həmçinin gündə iki dəfə qidalanma tövsiyələri də mövcuddur ki, bu zaman insan kalori və qida maddələrinə olan ehtiyacı kompensasiya edərək yalnız iki dəfə yeyir. Gec səhər yeməyi və erkən şam yeməyi daxil olmaqla belə variant həddindən artıq yeməyə meyilli olmayan insanlara uyğun ola bilər.İnsanın səhər yeməyini buraxmasının digər səbəbi ondan ibarətdir ki, əgər axşam vaxtı kifayət qədər çox miqdarda qida qəbul edilirsə, gecə ərzində orqanizm acmağa macal tapmır və müvafiq olaraq səhər yeməyinə ehtiyac duymur.Sonda dietoloq vurğulayıb ki, səhər yeməyindən imtina sağlam insanlar üçün fəlakətli nəticələrə səbəb olmasa da, həddindən artıq yeməyə meylli olanlar üçün bu, piylənmə və ikinci tip diabetin inkişafına səbəb ola bilər.
