Dini Qurumlarla İş üzrə Dövlət Komitəsinin sədri Ramin Məmmədov mayın 26-da Bakı şəhərində növbəti vətəndaş qəbulu keçirib.
Bu barədə Baki-baku.az-a dövlət komitəsindən məlumat verilib.
Bildirilib ki, qəbul zamanı dini fəaliyyətin təşkili, dini maarifləndirmə işinin təkmilləşdirilməsi, eləcə də digər mövzularla bağlı müraciət və təkliflər dinlənilib.
Qaldırılan məsələlər müvafiq qaydada qeydə alınıb. Hər bir vətəndaşın müraciətinin diqqətlə araşdırılması və qanunvericiliyə uyğun həlli məqsədilə Dövlət Komitəsinin aidiyyəti struktur bölmələrinin rəhbərlərinə müvafiq tapşırıqlar verilib.