Dünya pasportu sərhədləri keçmək üçün əsas sənəd hesab etməyə vərdiş edib. Amma təsəvvür edin bir hökmdarı ki, onun üçün dünya pasportsuz da açıq olub.

Söhbət Böyük Britaniya kraliçasından gedir.

Baki-baku.az xəbər verir ki, II Yelizaveta heç vaxt pasport sahibi olmayıb. Səbəb həm sadə, həm də sensasiondur: Birləşmiş Krallığın bütün pasportları Onun Ali Həzrətinin adından verildiyi üçün kraliçanın özü üçün belə bir sənədə ehtiyac qalmırdı.

Krallıq ailəsinin hər bir üzvü pasport daşımaq məcburiyyətində olsa da, monarx bu qaydadan tam şəkildə azad idi.

Daha bir maraqlı detal – kraliça Böyük Britaniyada sürücülük vəsiqəsi olmadan avtomobil idarə etməyə rəsmi şəkildə icazə verilən yeganə şəxs idi. Ən maraqlısı isə odur ki, o, təkcə sükan arxasında oturmurdu — İkinci Dünya Müharibəsi illərində mexanik və hərbi sürücü kimi xidmət etmişdi.

Bu unikal status II Yelizavetanı canlı bir əfsanəyə çevirirdi – elə bir qadın ki, onun adı sənədləri əvəz edirdi, varlığı isə etibar, qanun və dövlətin simvolu sayılırdı.

Hacı Cavadov