Kaliforniyanın Livermor şəhərində müasir sivilizasiyanın ən maraqlı görməli yerlərindən biri yerləşir. Artıq yüz ildən çoxdur ki, yanmaqda olan bir lampa. Bu lampa 1901-ci ildə şəhərin yanğınsöndürmə stansiyasında yandırılıb və o vaxtdan bəri demək olar ki, fasiləsiz işləyir.

Əvvəllər gücü 30 vat olan bu lampa bu gün cəmi 4 vatlıq zəif gecə lampasına bənzəyən bir işıq saçır. Buna baxmayaraq, inadla parıldamağa davam edir və sanki mühəndislik ölümsüzlüyünün təcəssümüdür.

Baki-baku.az xəbər verir ki, bu lampa bütün uzun ömrü ərzində cəmi bir neçə dəfə sönüb, o da elektrik enerjisinin kəsilməsi zamanı və iki dəfə də yerinin dəyişdirilməsi ilə əlaqədar.

Alimlər hələ də onun bu qədər uzun müddət işləməsinin səbəbini müzakirə edirlər. Halbuki müasir lampalar orta hesabla cəmi min saat işləyir. Ola bilər ki, sirr onun spiralının xüsusi tərkibində və ya zəif yük altında işləməsindədir. Nə olursa olsun, bu kiçik lampa etibarlılığın simvoluna çevrilib və hətta bütün dünyanın onun sönməz işığını izləyə bilməsi üçün ona həsr olunmuş vebsayt və onlayn kamera da yaradılıb.

Hacı Cavadov