Biz çalışırıq ki, mənzil təminatı ilə bağlı maliyyələşmə mexanizmləri daha əlçatan və uzunmüddətli dayanıqlılığa malik olsun.

Baki-baku.az xəbər verir ki, bu fikirləri maliyyə nazirinin birinci müavini Anar Kərimov World Urban Forum 13 çərçivəsində keçirilən “Mənzil maliyyələşdirilməsi üçün yeni bir saziş” adlı panel iclasında çıxışı zamanı səsləndirib.

Nazir müavini bildirib ki, insanlar yalnız gələcəyi formalaşdırmır, eyni zamanda gələcəyin özü də cəmiyyətləri dəyişdirir və formalaşdırır. Onun sözlərinə görə, mənzil siyasəti yalnız ev tikintisi ilə məhdudlaşmır.

A.Kərimov əlavə edib ki, 2030-cu ilə qədər dünya əhalisinin təxminən 30 faizinin mənzil təminatı ilə bağlı ehtiyaclarının yaranacağı gözlənilir.