2011-ci ildə NASA Yupiterə avtomatik planetlərarası “Yunona” stansiyasını göndərəndə, bu ada təsadüfi seçim deyildi. Antik mifologiyaya görə, Zevs (romalılar onu Yupiter adlandırırdı) öz sevgi macəralarını gizlətmək üçün özünü qalın buludlarla örtürdü. Lakin onun həyat yoldaşı Hera — romalılar üçün Yunona — hər şeyi Olimpdən görürdü.
Baki-baku.az xəbər verir ki, məhz buna görə də missiyaya “Yunona” adı verildi: bu kosmik aparat qaz nəhəngi Yupiterin qalın buludlarını yararaq onun gizli sirrlərini açmalı idi. Və o, doğrudan da bunu edir — orbit stansiyası Yupiterin güclü maqnit sahəsini, atmosferini və daxili quruluşunu tədqiq edir, sanki mifoloji tanrıça kimi, sirrlərin pərdəsini aralayır.
Beləliklə, qədim mif XXI əsrdə yenidən canlanır: Yupiterin həyat yoldaşı bir daha onu gözdən qaçırmır, amma bu dəfə artıq insanlığın qabaqcıl texnologiyaları vasitəsilə.
Hacı Cavadov
