Meduza okeanın ən sirli varlıqlarından biridir və dünya ona az qala onun qədər qəribə adlar verib.

Baki-baku.az yazır ki, ingilis dilində ona jellyfish — “jele balığı” deyirlər, amma irlandlar onu “smugairle róin” adlandırır, yəni… “suiti tüpürcəyi”!

Skandinavlar isə meduzada təhlükə görürlər — isveçlilər və norveçlilər onu “manet” adlandırır, bu da “dəniz gicitkanı” deməkdir. Danimarkada isə bu canlıya “vandmand”, yəni “su adamı” deyilir. Çinlilər onu “su qadını” kimi görürlər. Lakin ən poetik yanaşma yaponlardandır: onlar, Çin dilindən gələn adla yanaşı, meduzanı “ayın dənizdəki əksi” adlandırırlar.

Bu qədər fərqli obrazlar — mifoloji qorqonadan tutmuş səmavi metaforalara qədər — bir daha sübut edir: meduza təkcə dəniz sakini deyil, həm də insanlığın dəniz, qorxu və gözəllik haqqında xəyallarını əks etdirən mədəni bir güzgüdür.

Hacı Cavadov