İyunun 3-də Azərbaycan Milli İncəsənət Muzeyində Üzeyir Hacıbəyli adına Bakı Musiqi Akademiyasının III kurs tələbəsi Pərvanə Soltanovanın solo konserti keçirilib.
Baki-baku.az xəbər verir ki, Əməkdar artist, sənətşünaslıq üzrə fəlsəfə doktoru İlham Nəzərovun müəllifi olduğu proqram çərçivəsində Pərvanə Soltanovanı,Anna Rasina və Fidan Əmirova müşayiət edib.
Konsertdə ilk dəfə olaraq Asəf Zeynallının “Seyran “romansı səsləndirilib.
Konsert proqramında Azərbaycan, rus və Qərbi Avropa bəstəkarlarının əsərləri yer verilib.Müxtəlif musiqi ənənələri və üslublarını bir araya gətirən bu musiqi axşamı tamaşaçılar tərəfindən maraqla qarşılanıb.
Gənc ifaçının peşəkar təqdimatında səslənən klassik musiqi nümunələri qonaqlara yaddaqalan sənət təəssüratları bəxş edib.
