Oktyabr ayında səmada maraqlı hadisə baş verəcək – yeni “Lemmon” kometası Yerə ən yaxın məsafədən keçəcək.
Baki-baku.az bu barədə Rusiya Elmlər Akademiyasının Kosmik Tədqiqatlar İnstitutunun Günəş Astronomiya Laboratoriyasının verdiyi məlumata istinadən xəbər verir.
Məlumata görə, kometa oktyabrın 3-də planetimizdən təxminən 150 milyon km uzaqlıqda olacaq. Oktyabrın 21-də isə məsafə 90 milyon km-ə qədər azalacaq.
Mütəxəssislər bildirirlər ki, bu müddətdə kometa parıltısını artıraraq 10-14 gün ərzində beşinci maqnitudaya çatacaq. Bu isə onun ulduzlu səmada adi binoklla belə müşahidə olunmasına imkan verəcək.
