Sizcə, mağara evləri ibtidai dövrlərin qalığıdır? Çin bununla razılaşmır. Löss platosunda, Xuanxe çayının mənzərəli hövzəsində milyonlarla insan hələ də yaodun adlı unikal mağara tipli evlərdə yaşayır. Bu yaşayış forması eramızdan əvvəl II minilliyə qədər gedib çıxır.

Baki-baku.az saytının vurğuladığına görə, yaodunun ən geniş yayılmış növlərindən biri həyətlərin içində qazılmış, ümumi düzbucaqlı çökəklikdən kənara doğru uzanan yeraltı otaqlardır.

Bu yeraltı evlər yalnız mədəni irs nümunəsi deyil, həm də təbiətin yaratdığı enerji səmərəliliyinin parlaq göstəricisidir: torpaq qışda istiliyi yaxşı saxlayır, yayda isə sərinlik verir. XXI əsrin əvvəllərində belə evlərdə 30-40 milyon insan yaşayırdı! Bu keçmiş deyil. Bu, gələcəyin yaşayan memarlığıdır.