Gələcəyin məşhur müğənnisi Zənzibar adasında, iran mənşəli parsi ailəsində dünyaya gəlmişdi. Doğulduqda ona “gözəl”, “xoşbəxt” mənasını verən fars adı — Fərrux verilmişdi.

Baki-baku.az xəbər verir ki, səkkiz yaşında valideynləri onu təhsil almaq üçün Hindistana, Müqəddəs Pyotr internat məktəbinə göndərirlər. İngilis dilli sinif yoldaşları üçün Fərrux adı yadda saxlamaq baxımından çətin idi, buna görə də o, özünü Frederik adlandırmağa qərar verir. Tətil vaxtları Bombeydə xalasının evində qalırdı və qısa zamanda xalası da onu Freddi adlandırmağa başlayır.

Daha sonra artıq “Queen” qrupunun solisti olduqdan sonra, Freddi özünə “Merkuri” soyadını seçir. Beləliklə, onun bütün rəsmi sənədlərində “Frederik Merkuri” yazılırdı.

Bununla belə, müğənni doğulduğu anda ona verilmiş adı — Fərrux adını heç vaxt bəyənməyib. Onun dostlarının sözlərinə görə, onu Fərrux çağıran adamı döyə də bilərdi.

Hacı Cavadov