Sentyabrın 19-dan 21-dək Bakıda keçiriləcək Formula 1 Azərbaycan Qran-Prisi ilə bağlı hazırlıqlar son mərhələdədir.
Baki-baku.az xəbər verir ki, yarışa sayılı günlər qalmış paytaxtın mərkəzi küçələrində təhlükəsizlik və texniki hazırlıq işləri intensiv şəkildə davam etdirilir.
Formula 1 marşrutu üzrə hərəkət edən əsas küçələr artıq nəqliyyatın hərəkəti üçün bağlanıb. Bu ərazilərdə texniki yoxlamalar aparılır, səth örtükləri yenilənir və yarış üçün tələb olunan infrastruktur qurulur.
Axşam saatlarında isə marşrut boyunca yollar xüsusi texnika vasitəsilə yuyulur və təmizlənir.
Yarış günlərinə qədər bütün işlər tam başa çatdırılacaq və Bakı növbəti dəfə dünya səviyyəli yarışa ev sahibliyi etməyə hazır olacaq.
