“Formula 1” Azərbaycan Qran-prisinin 10-cu, yubiley yarışında autizmli gənclər üçün xüsusi Paddok turu təşkil olunub.

Bu barədə Baki-baku.az-a Bakı Şəhər Halqası Əməliyyat Şirkətindən məlumat verilib.

Sosial inklüzivlik təşəbbüsü çərçivəsində gənclər “Formula 1” yarış həftəsinin pərdəarxası ilə tanış olmaq və Paddokun atmosferini yaxından yaşamaq imkanı əldə ediblər.

Ziyarət zamanı gənclər “Formula 1” komandalarının fəaliyyət göstərdiyi ərazilərə baş çəkib, yarış həftəsinin hazırlıq prosesini izləyib və komandaların Qran-prinin əsas gününə hazırlıqlarını yerindəcə görüb.