Aleksandr Bell ilk dəfə öz ixtirası olan telefonun dəstəyini qaldıranda, indiki kimi “Alo” deməyi heç ağlından belə keçirmirdi. Böyük mühəndis telefon söhbətlərində dənizçilərin bir-birini səslədiyi “Ahoy!” ifadəsini istifadə etməyi təklif edirdi. Lakin tezliklə səhnəyə onun rəqibi — Tomas Edison çıxdı. O, daha sadə və qısa olan “Hello” sözünü israrla təklif etdi.
Baki-baku.az portalının verdiyi məlumata görə, məhz Edisonun versiyası zamanla yayılaraq onlarla dilə keçdi və rus dilində bu söz tanınmış “Алло!” formasını aldı. Beləcə, texniki siqnal kimi düşünülmüş təsadüfi bir söz, insanlığın gündəlik danışıq tərzinin və mədəniyyət kodunun bir parçasına çevrildi.
Bu gün “Alo” artıq təkcə dəstəyi qaldırarkən deyilən bir səs deyil, bəşəriyyətin ilk dəfə uzaq məsafədən danışmağa başladığı o böyük texnoloji inqilabın kiçik bir rəmzidir.
Hacı Cavadov
