Dünyanın müxtəlif bölgələrində çimərliklər sahil zolağının eroziyası səbəbindən yox olmaq təhlükəsi ilə üz-üzədir, çünki qumun yuyulması ilə bağlı bunun qarşısının alınması çətindir.

Baki-baku.az portalı bildirir ki, Mayamidən Barselonaya və Avstraliyanın Qızıl Sahilinə qədər səlahiyyətlilər sahil zolağının gələcək illərdə yuyulmaqdan necə xilas etməyin yollarını düşünürlər. Eroziyanın bir hissəsi təbii səbəblərdən qaynaqlanır. Fırtınalar, güclü qabarma və antropogen qlobal istiləşmə səbəbindən dəniz səviyyəsinin qalxması ilə vəziyyət daha da ağırlaşır ki, bu da buzlaqların əriməsinə gətirib çıxarır.

Sahil zolağının bərpası üçün süni şəkildə qum daşınır ki, bu, daşqınlara qarşı təbii müdafiə kimi xidmət edir. Bununla belə, qumun qiyməti qalxır, tikinti və digər sənaye sahələrində yüksək tələbat səbəbindən təklif azalır. ABŞ-nin Rodante şəhərində 2020-ci ildən bəri sahil eroziyası nəticəsində 11 ev okeana uçub. Yerli hakimiyyət hesab edir ki, çimərliklərin bərpası üçün 40 milyon dollardan çox vəsait tələb olunacaq, şəhərin isə belə bir vəsaiti yoxdur.

Barselona sahil zolağı ildə 30 min kubmetr qum itirir ki, bu da 12 olimpiya hovuzunun həcminə bərabərdir. Eroziyadan müdafiə üçün görülən tədbirlərə baxmayaraq, bəzi çimərliklər “tamamilə yox ola bilərlər”.