“Film sənayesi” sözünü eşidəndə əksəriyyətimizin zehnində dərhal parlaq Hollivud işıqları canlanır.
Baki-baku.az xəbər verir ki, ABŞ filmlərin istehsalı baxımından dünyada üçüncü yerdə qərarlaşıb.
İkinci yerdə isə gözlənilməz bir sürpriz var: Nigeriyanın “Nollivud”u. Burada filmlər inanılmaz sürətlə istehsal olunur – çox həvəslə, minimal büdcə ilə ildə yüzlərlə film.
Lider isə dəyişməz olaraq qalır — Hindistan və onun nəhəng Bollivudu. Burada kino təkcə əyləncə deyil, həm də bir kult, bir arzu və milli bir hobbi hesab olunur. Təsəvvür edin ki, Hindistanda hər il 1500-dən çox film çəkilir. Bu, ABŞ-da çəkilənlərin demək olar ki, ikiqatıdır.
Bəs sizin üçün ekranın kralı kimdir? Bəlkə də artıq dünya kinematoqrafiyasının coğrafiyasına yenidən baxmağın vaxtıdır. Çünki kino aləmi bizim öyrəşdiyimizdən qat-qat genişdir.

Əbülfəz Babazadə