Dəhşətli dərəcədə böyük, inanılmaz dərəcədə güclü və tamamilə amansız olan bu canlı bəlkə hələ də dünya okeanının dərinliklərində haradasa gizlənir.

Meqalodon – uzunluğu 25 metrə qədər və çəkisi 45 tona qədər olan, planetimiz yaranandan indiyə qədər ən böyük dəniz yırtıcısıdır.

Həddi-büluğa çatmış insan ovcunun ölçüsü boyda olan dişləri bu canlı ilə bağlı sirrlərin ortaya çıxması üçün açar oldu.

Baki-baku.az xəbər verir ki, haqqında bəhs etdiyimiz canlıya verilmiş Otodus meqalodon adı hərfi mənada “böyük diş” deməkdir ki, bu da metaforadan daha çox reallığa yaxındır.

Bu əfsanəvi qorxunc canlının alt və üst çənələrinin uzunluğu üç metrə çatırdı, onun dişləmə qüvvəsi hidravlik pres ilə müqayisə edilə bilərdi. Meqalodon iri balıqlar, balinalar, dəniz tısbağalarını ovlayırdı və mövcud olduğu dövrdə yırtıcı balinaların rəqibi idi. Tədqiqatçılar hələ də onun böyük ağ köpəkbalığının əcdadı olub-olmadığını müzakirə edirlər.

Ən maraqlısı isə odur ki, 2,6 milyon il əvvəl nəslinin kəsilməsi rəsmən təsdiqlənən meqalodonun “kabusu” hələ də elmi dairələrdə dolanmaqda davam edir. Heç bir batiskafın gedib çıxa bilmədiyi dərinliklərdən meqalodon barəsində əldə olunmuş təsadüfi tapıntılar, sirli izlər və şahid ifadələri mövcuddur. Bəlkə də bir insanı bütövlükdə uda biləcək nəhəng köpək balığı hələ də Mariana çökəkliyinin qaranlıq bir guşəsində yaşayır?

Sual meydana çıxır: bir vaxtlar okeanların padşahı olan yırtıcı ilə görüşməyə hazırsınız?