Prezident İdarəçilik Akademiyasının qarşısında yerləşən parkinq zonasına giriş müvəqqəti olaraq bağlanıb.
Baki-baku.az xəbər verir ki, bu məhdudiyyət metropolitendə aparılacaq işlərlə əlaqədar tətbiq edilib.
Mövcud plana görə “İçərişəhər” stansiyasının arxa hissəsində yeni dönmə kamerasının inşası nəzərdə tutulur. Bununla yanaşı, həmin ərazidə böyük yeraltı avtomobil dayanacağının tikilməsi də planlaşdırılır.
Qeyd edək ki, sözügedən ərazi bir müddət əvvəl avtomobillərin nizamsız şəkildə park edilməsi səbəbindən xarici bloqerin də diqqətini cəlb etmişdi.
