“Titatnik” batarkən o, qadınlara və uşaqlara xilasedici qayıqlara minməyə kömək edirdi. Körpələri isə birbaşa bortdan aşıraraq qayıqlara çatdırırdı.

Öz isə qayığa minmədi. Sonradan Britaniya komissiyasındakı ifadəsində bildirmişdi: “Bu, pis nümunə olardı”. Qayığının onsuz uzaqlaşmasına baxaraq, Coqin sakit şəkildə öz kayutuna qayıtdı… daha bir stəkan sərt spirtli içki içmək üçün. Həmin axşam az içki içməmişdi — və qəribə də olsa, məhz bu fakt onun həyatını xilas etdi.

Sonuncu xilasedici qayıqlar uzaqlaşandan sonra o, gəmidə qaldı və dediyinə görə, “Titanik”lə birlikdə sanki liftdə olduğu kimi sakit şəkildə suyun dərinliyinə enib.

Adətən, belə vəziyyətlərdə spirtli içki həyatı xilas etmir, əksinə, ölüm riskini artırır: damarlar genişlənir, qan həyati vacib orqanlardan dərinin səthinə yönəlir və bədən daha sürətlə soyuyur. Amma Coqin üçün hər şey fərqli oldu.

Həmin gecə Şimal Atlantikasında suyun temperaturu təxminən –2 °C idi. Bu qədər soyuq əksinə, damarları kəskin şəkildə daraldır və spirtin təsirini tarazlayırdı. Coqin sonradan deyirdi ki, suda özünü nisbətən sakit hiss edib və demək olar ki, ağrı hiss etməyib.

O, təxminən iki saat buz kimi suda qaldıqdan sonra tərsinə çevrilmiş xilasedici qayığa çıxmağı bacarıb. Az sonra isə başqa bir xilasedici qayığın köməyi ilə tamamilə xilas edilib.